Телефон:+7 (7172) 55-67-31, uad@astana.kz
Ресми сайты
«Астана қаласының Көлік және жол-көлік инфрақұрылымын дамыту басқармасы» ММ

Осы жылы қаланың шеткі аймақтарында 70-тен астам көше жөндеуден өтеді

Жол сапасы әрқашан қатаң бақылауда, деп хабарлайды Астана қаласы әкімдігінің ресми сайты.

Әкімшілік қаланың шеткері аймақтарындағы көшелерді де асфальттауды жоспарлап отыр. Осы жылы қаламызда 91 көше жөндеуден өтеді, оның 70-тен астамы қаланың шеткері аймақтарындағы көшелер. Бұл туралы ОКҚ-де өткен брифинг барысында Астана әкімі Ә.Исекешев айтты.

«Осы жылы 91 көшеде құрылыс және жөндеу жұмыстары жүреді. Оның 70-тен астамы қаланың шеткері аймақтарындағы көшелер. Біздің алға қойған мақсатымыз 2 жылда қаланың шеткері аймақтарындағы көшелерді толығымен асфальттау және келер жылы оларға газ жүргізіледі, ал жарықтандыру мен аялдамалар орнату биыл жүреді. Сонымен қатар, біз сол аймақтарда саябақ пен қоғамдық спорт орталықтарын салудың жобасын жүзеге асыруды бастадық», – деді Ә.Исекешев.

Қазіргі күнде Астанада жол салу мен жөндеу саласында жаңа технологиялар мен материалдар қолданылуда, ол жолдардың сапасы артады деген сөз.

«Жолдардың сапасы әрқашан басты бақылауда. Қазір жолдардың сапасын тексеретін зертхана ашылған. Екіншіден осы күні біз жол құрылысына шетелдік мамандарды тартып жатырмыз. Оның бірнеше себебі бар, әрине,  кей көшелерде тапсырыс алушы өз жұмысын дұрыс жасамаған немесе сапасыз битум қолданып, технологияны сақтамайды. Мысалы, жол жабындысын төсеу үшін кем дегенде 3 тәуліктік бойы ауа температура +15-тен төмен болмауы тиіс. Біздің аймақтың ауа райын өздеріңіз білесіздер, сол себепті кей кездерде біздің тапсырыс алушыларда осындай мәселелер шығып жатады. Уақтылы нормативтік жөндеу жүргізілмеген жолдар бар. Мысалы, Ш. Уәлиханов көшесі кеңес үкіметі кезінде салынған, ол көше тәулігіне 30 мың көлік жүруге арналған, бірақ 100 мың көлік жүріп жатыр. 30 мың көлік жүрген кезде әр 5 жыл сайын жөндеуден өтуі тиіс еді, ол міне 7 жыл жөндеуден өтпеген. Неге? Бұл бюджеттік қаржыландыруға байланысты. Қала қарқынды өсуде, жол мәселесін бір мезетте шешуге 1 трлн теңге қаржы керек. Әрине, біз жолдардың қалыпты деңгейін қамтамасыз етуге және жөндеуді қажет ететін көшелерге басымдық береміз.

Осы жылы жол жөндеу жұмыстары күн райының жылымауына байланысты кеш басталды, бірақ 2-3 аптада басты жол жөндеу жұмыстары аяқталады деген ойдамын. Біз қазір жаңа технологиялар мен жаңа материалдарды қолданып жатырмыз, олар жолды барынша сапалы, төзімді және арзан төсеуге сеп болады. Өткен жылы біз 5 учаскеде жұмыс жүргіздік. Меніңше, таяу жылдары жолдардың сапасы біршама жақсарады», – деді Ә. Исекешев.

Тұрғындар үшін ақпарат

Басшысына өтініш

Азаматтарды қабылдау кестесі

November 29, 2018
Главный приоритет работы акимата – это обеспечение для всех жителей Астаны, независимо от района и улицы, комфортных, доступных и безопасных условий для жизни, работы и отдыха.
November 12, 2018
Астанада бір жақты қозғалысқа арналған жаңа жол бөліктері пайда болады
November 9, 2018
Мемлекеттік-жекеменшік серіктестік туралы шартқа қол қою туралы
October 27, 2018
Қошқарбаев пен Қордай көшелерінің қиылысындағы қозғалыс жабылады
October 23, 2018
Перекресток улиц Кошкарбаева и Озбекали Жанибека будет перекрыт с 24 октября до 2 ноября
October 23, 2018
23-27 қазан аралығында А. Янушкевич көшесі уақытша жабылады
October 12, 2018
Елордалық көлік басқармасы кезінде өз кәсіпорны үшін ерінбей еңбек еткен ардагерлерге құрмет көрсетті


574-777

При возникновении проблем и вопросов по городскому общественному транспорту, обращайтесь в контакт-центр