Бес институционалдық реформаны жүзеге асыру жөніндегі «100 нақты қадам – Ұлт жоспарының» бірінші институционалдық реформасы кәсіби мемлекеттік аппарат құру болып табылады.
Кәсіби мемлекеттік аппарат қалыптастырудың институттық реформалардың көшін бастауы да кездейсоқтық емес. Себебі, заманауи трендтер мен инновацияларға негізделген мемлекеттік қызмет елдің әлеуметтік-экономикалық дамуының тұғыры болары анық.
Осы ретте, мемлекеттік басқарудағы реформалардың іргетасы болып табылатын мемлекеттік қызметшілердің жаһандану үдерісінің көшінен қалмауы үшін біліктілігін арттырып, білімін шыңдау мақсатында оларды тағылымдамадан өткізу шаралары жүргізіліп келеді.
Атап айтқанда, Президентіміздің «Елорда мемлекеттің тұтастай алғандағы даму қарқыны мен сипатын айқындайды» деп атап өткеніндей, елорданың үздіксіз прогрессі пен тұрақты өркендеу жолының бір саласы болып табылатын көлік тасымалын жетілдіру мақсатында Нұр-Сұлтан қаласының Көлік және жол-көлік инфрақұрылымын дамыту басқармасының қызметшілері «Астана LRT» компаниясында практикалық тәжірибелерін шыңдады. Жолаушылар тасымалын ұйымдастыру және бақылау бөлімінің бас маманы Жакенов Тұрсынғали компанияда көлікті және инфрақұрылымды басқарудың бел ортасында болып, жолаушылар тасымалы мен Қоғамдық көліктің жол бағдары желісін жаңғыртуда қайнаған еңбекке қызу араласты.
Мемлекеттік қызметшілердің озық тәжірибелерге сүйеніп, жаңа технология түрлерін тәжірибе үрдісінде пайдалануы, олардың жан-жақты дамуына септігін тигізіп, ойының жаңарып, қызмет барысында өз саласының проблемаларын шешуде жаңа көзқарастар пайда болуына жол ашатыны айқын.